ازاى تغير كاوتش العربية ؟

ازاى تغير كاوتش العربية ؟

الموضوع سهل و بسيط  جدا مش محتاج اى حاجة غير شويه حاجات سهله و بسيطة

فاست ونش انقاذ سيارات بتقولك

 

أهم حاجة لازم تعرفها أن العربية  تكون على ارض مستوية مش مايلة أو منحدرة عشان العربية متتحركش و أنت بتغير العجلة

تانى حاجة مهم  تخد بالك منها أن فرامل اليد تكون مشدودة و الفتيس يكون على البارك

الأدوات اللى لازم تكون معاك

كوريك، مفتاح الصواميل و العجلة الأحتياطية و تتأكد أن العجلة الإحتياطية منفوخة كويس قبل ما تركبها

و قبل ما تفك الچنط لو لاقيت أن فى غطا عليه ممكن تشيله بمفتاح الكوريك لأنه فى اخره عتلة هتدخلها بين العجلة و الچنط  و تشد لبره لحد ما يتفك

تبدأ برفع العربية بالكوريك بس  قبل ما ترفعها  تفك الصواميل عشان لو رفعت العربية مش هتقدر تفك الصواميل عشان العجلة هتتحرك و فى حالة أن الصواميل صعب تتفك بالأيد “بستخدام مفتاح الصواميل” طبعا ممكن تدوس على المفتاح الصواميل برجلك لتحت بس مش هتفك الصواميل للأخير عشان العجلة متقعش

هتحط الكوريك جمب العجلة اللى هترفعها و تدوس عليه لحد ما العجلة تترفع بشكل مناسب و تكمل فك الصواميل و تسحب العجلة لبره

أخيرا

تجيب العجلة الإحتياطية تحطها بدل العجلة اللى غيرتها و تربط الصواميل بأيدك  و تنزل العربية بالكوريك و تكمل ربط الصواميل بمفتاح الصواميل بترتيب *صمولة اللى عكسها ، صمولة اللى عكسها *

LEAVE A COMMENT

0 comment
01282505052 اتصل الان 24 ساعة